CASTELLANO

 

Orain dela urte batzuetatik, elikaduraren joeren funtsezko kontzeptuak egonkor jarraitzen du: elikadura osasungarria. Osasungarria zer den erabakitzea gai desberdina da, esate baterako, beti elikagai osasungarri berbera bakarrik janez gero, era arriskutsuan desegokia den elikadura izango da gurea. Gaur egun nagusi den giltzarria dieta ugari eta orekatua da, eta hidratoak dietaren bidelagunak dira bertan %25 proteinak eta %50 barazkiak direnean.

Elikadura osasungarriaren kontzeptua interes zehatzagoetan, joera zehatzetan zehazten da. Datu adierazgarri moduan, azken urteotan Googlen erabat areagotu dira elikadurari buruzko bilaketak, eta, honako kontzeptu hauek dira protagonista nabari: healthya, bioa, zeliakoa edo veggiea. Healthya (osasungarria) kontzeptu protagonista da bilaketetan. 2019an, 5,4 milioi aldiz bilatu zen Espainian bakarrik. Joera horiek, gainera, gora eta gora egiten ari dira, eta, bertan, gero eta gutxiago jaten da animalia-proteina.

Merkatuaren joera horrek ekoizpen-sektorean ere badauka eraginik, eta, esate baterako, ardotarako mahasti kataluniarren herenak ekologiko ziurtatuak dira. Proportzio hori, ordea, pentsaezina izango zen orain dela urte batzuk. Horrez gain, gero eta ugariagoa da elikagaiak ikuspegi osasungarripean eskaintzea, eta ustiapenaren sukaldaritzaren inguruko interesa ere hazi da.

Bigarren kontzeptu handia hurbiltasuna da. Tokiko produktuak orain dela urte batzuetatik ari dira sendotzen, eta oso erakargarriak dira kontsumitzaileen inguruneko ekonomiaren ikuspegitik nahiz ingurumenaren ikuspegitik: zenbat eta hurbilago egon, orduan eta karbono-aztarna txikiagoa, nahiz eta ezinbestean horrela izan ez.

Gardentasuna funtsezko beste kontzeptu bat da: elikagai edo plater baten abantailak saltzeko euskarri moduan batzuetan erabiltzen diren azterlanak benetakoak eta fidagarriak izatea, baina etiketak argiagoak eta ulergarriagoak izatea ere bai. Nutriscore eta antzeko adierazleak eraginkorrak dira, kontsumitzaileek gida azkar bezain fidagarria izan dezaten.

Plastikoaren aurkako gerrak bere horretan jarraitzen du. Elikagaigintzan konpondu gabe dauden arazoetakoa da. Hala ere, borroka zail hori irabazten ari gara apurka-apurka, eta gero eta ontzi zein film babesle gehiagotan agertzen da zein den material birziklatuaren proportzioa.

Etxea ere protagonista izango da, baina, batez ere, pandemiaren mehatxupean bizi garen bitartean, janari-hartzaile moduan ez eze (etxez etxeko janariak gora egin du, etxez etxeko janariaren eskaintza biderkatu egin da), sukaldaritza, eltzeak eta errezetak familiaren beraren ikuspegi integratzaileaz berreskuratzeko leku moduan ere bai: familiak bertako kide guztien gustukoa den elikaduraren bila dabiltza.

 

Eduki hau beste web gune batzuetan erabiltzeko, url honen bidez estekatu eta iturria zainduzaitez dela aipatu beharra dago.
© Zainduzaitez, Bilbao 2020.Lege-Oharra

(Visited 21 times, 1 visits today)