CASTELLANO

 

XX. mendeko hirurogeiko hamarkadan Frantzian hutseko sukaldaritza hasi zenetik gaur egunera arte, “sous-vide” teknika (hutsean, frantsesez) herrialde askotatik hedatu da, eta, era berean, etxeko sukaldaritzara ere iritsi da. Prestatutako produktuak ontziratzeko ez ezik prestatzeko ere erabiltzen da hutsa.

Oinarrizko ideia bakuna da: produktua eta bere gehigarriak hutsean zigilatu eta uretan sartzen dira, aurretiaz zehaztutako epealdian termozirkulatzailea izeneko tresnan prestatu daitezen. Elementu horiek bateratzean, badago beste prozedura batzuen bidez lortu daitekeen baino tenperatura txikiagoan prestatzerik. Horrela, elikagaiek ez dute bolumenik galtzen, eta euren zaporeak areagotzen dira. Horrez gain, teknika horren bitartez prestatzen diren platerek tradizionalek baino gehiago diraute, oxigenorik ez dagoenez ez dagoelako ez bakteriorik ez oxidaziorik. Jan nahi ditugunean, irakiten dagoen uretatik pasatu besterik ez dago.

Hutsean prestatutako platerak luzaroan kontserbatzen dira izoztu gabe. Hori dela eta, oso berehala berreskuratzen dira: hozkailutik atera, poltsaren kanpoko aldetik irakiten dagoen uretatik pasatu eta jateko prest daude. Hutsean prestatutako plateren gutxieneko stocka bagenu, gure etxeko jangela leku eroso eta osasungarria izango litzateke, eta zailtasun handirik gabe hautatzeko aukera izango genuke. Oso garrantzitsua da elikagaiak prestatzeko gutxieneko tenperaturak egokiak izatea, oxigenorik gabe biderkatzen diren bakterioen ondorioz osasun-arazorik ez edukitzeko.

Etxerako termozirkulatzaile edo sous-vide asko daude merkatuan. Modelo fidagarriak 100 euro inguruan daude salgai.

 

© Zainduzaitez, Bilbao 2021. Aviso Legal

(Visited 22 times, 1 visits today)