CASTELLANO

 

Ekainean, hegaluzearen arrantzaldia hasi da, eta uda osoa iraungo du irailera arte. Arrain hori marmitakoa egiteko erabiltzen da, eta udako hilabeteetako oso erregosi ospetsua da Kantauri itsasoko erkidego guztietan. Dena dela, beste edozein arrain urdin ere erabili daiteke erregosia prestatzeko.

Euskadiko gastronomiako plater tradizionala da, eta erregosia prestatzeko erabiltzen zen estalkidun eltzetik datorkio izena: “marmita”. Kantabrian, hegaluze-marmita edo sorropotuna esaten diote; Galizian nahiz Asturiasen, kazola, marmita, kaldereta edo kaldeirada; eta, Frantzian, “marmite”. Leku batzuetan, bero eta lurrezko kazolan zerbitzatzen dute.

Tradizioari begira, sukaldariek portuetan eta arrantza-ontzietan egindako platera zen, eta oso osagai gutxi behar zituzten prestatzeko. Horretarako, arrain-hondarrak eta kontserbetarako erabilitako atunen zakatzak, buruak zein buztanak erabiltzen zituzten.

Batez ere, patatekin egiten den atun-erregosia da. Hala ere, beste osagai batzuk ere erabiltzen dira; tipula, piper berdea, piper txorizeroa eta tomatea. Bero zerbitzatu arren, epel jaterik ere badago.

Sukaldari beste barietate egon arren, hegaluzea zaporetsu bezain urtsu geratzea da garrantzitsuena. Sukaldarien esanetan, hurrengo egunean jatea da onena, zaporeak finkatuta egongo direlako.

Hegaluzea osasunerako onuragarria den arrain urdin elikagarria da, eta Omega-3 asko dauka. Koipe hori oso lagungarria da odoleko kolesterol-mailak eta triglizeridoak gutxitzeko. Gainera, proteina ugari eta D bitamina ere badauzka.

 

Eduki hau beste web gune batzuetan erabiltzeko, url honen bidez estekatu eta iturria zainduzaitez dela aipatu beharra dago.
© Zainduzaitez, Bilbao 2016. Lege-Oharra